Jeremiah 34
Zedekiah Kivauhilh
1Babylon kumpi Nebuchadnezzar in a galkapte khempeuh le ama ukna kumpi-gam khempeuha mi khempeuh tawh Jerusalem le a kima a khuapi khempeuh a do laitakin Jeremiah tungah hih TOPA thu a tung hi: 2“TOPA Israel Pasian thugen hih ahi hi: Judah kumpipa Zedekiah kiangah pai inla, ‘Hih in TOPA gen ahi hi: Keimah in hih khuapi, Babylon kumpipa tungah ka pia dinga amah in haltum ding hi. 3Ama khut panin nang na suakta kei dinga, hong kimanin a khutah hong ki-ap ding hi. Na mit mahmah in Babylon kumpipa na mu dinga kimaituahin nang hong hopih ding hi. Tuateh Babylon ah na pai ding hi. a 4 “‘Judah kumpipa Zedekiah aw, TOPA kamciam ngai lai dih in. Nang tawh kisai-in TOPA thugen hih ahi hi: Namsau-in na si kei ding hi; 5lungnuamtakin na si ding hi. Mite in na pate uh pahtawi-in, a za na laih kumpite vui-in meihal a bawlsak bangun, nang zong pahtawina mei hong halsakin, “Mawk tazen aw, pu aw!” ci-in a taamlo ding uh hi. Kei mahmah in thu kong ciam hi, ‘TOPA in cikhia hi,” a ci hi. b 6 Tua ciangin kamsangpa Jeremiah in, Jerusalem a om Judah kumpipa Zedekiah tungah hih thu khempeuh a va gen hi; 7tua hun pen Babylon kumpipa galkapte in Jerusalem le a zawh nai loh uh Judah kumpite - Lachish le Azekah a sim laitak hun ahi hi. Hihte pen Judah gama a om laisun kulh muanhuai-a ki-um khuapite ahi hi. cSilate Suahtakna
8 Kumpipa Zedekiah in Jerusalem a mi khempeuh tawh silate suahtak nading tangko nading thukhun a bawl khit uh ciangin Jeremiah tungah TOPA thu a tung hi. 9Kua mahpeuh in a Hebrew silate uh a numei a pasalin khah ding uh a, a Jew mipihte uh khat beek sila in a khawi nawn kei ding uh hi. 10Tua ciangin uliante le mi khempeuh, hih thukhunna-a kihel peuhmah in a silate uh a numei a pasalin khahkhia-in sila-a a khawi nawn loh nadingun a thukim uh hi. Amaute thukim uh a, a khahkhiapah uh hi. 11Ahi hangin tua nungin a lungsim uh khel uh a, a khahsa uh silate sam kikin sila in a khawi kik uh hi. d 12 Tua ciangin Jeremiah tungah TOPA thu tunga: 13“Hih in TOPA Israel Pasian gen ahi hi: Keimah in na pute uh Egypt pan ka paikhiatpih a, sal-a, a omna gam panun ka paikhiatpih lai-un amaute tawh thukhun ka bawl hi. Amaute kiangah, 14‘A kum sagihna simin kuamahpeuh in amau le amau no kianga hong kizuak Hebrew silate khatpeuh na khah ding uh hi. Na na uh kum guk a sep khit ciangin na khah ▼▼34.14 Thk. 15:12
pelmawh ding uh hi,’ ka ci hi. Bangbang ka cih hangin na pate un ka thu hong mang loin kei hong thusim kei uh hi. 15Sawt nai loin note na kisik uh a, ka muhna ah thumaan khat semin: Khat ciat in ama gam mite suahtakna na tangko uh hi. Ka min kilawhna inn sung keima mai-ah thukhun nangawn na bawl uh hi. 16Ahi hangin tu-in na kilehhei uh a, ka min hong daisakin amau ututna-a pai dinga na khahkhiatsa uh silate a numei a pasalin na sam kik uh hi. Ut taleh ut ta keileh na sila uh na suaksak kik uh hi. f 17 “Tua ahi ciangin TOPA hong gen hih ahi hi: Ka thu nong mang kei uh a, na gam mipihte uh suahtakna na tangko kei uh hi. Tua ahi ciangin tu-in keimah in note suahtakna - namsau, kialpi le pulpi-a pukna ka tangko hi, TOPA in cikhia hi. Keimah in note leitung kumpi-gam khempeuh lipkhap kong suaksak ding hi. 18Ka maitanga a bawl uh thukhun, a khun bangun tangtun lo-a, a palsatte, amau in bawngno phelnih suaha a kikala a paina uh bawngno bangin ka bawl ding hi. 19Judah le Jerusalem makaite, kumpi innsung uliante, siampite le gamsunga mi khempeuh bawngno phel kikala pai peuhmah, 20amaute a that nuam a galte khut sungah ka pia ding hi. Amaute luang huihlak vasate le leitung ganhingte an a suak ding hi. 21 “Judah kumpipa Zedekiah le a uliante, amau that nuama zong a galte uh, no kiang pana nung kik Babylon kumpipa galkapte khut sungah ka pia ding hi. 22TOPA in ci khia hi. Keimah in thu ka pia dinga, amau khuapi ah ka puak kik ding hi. Amaute in do ding uh a, la-in mei-in a haltum ding uh hi. Tua munah kuamah a teng thei lo dingin Judah khuapite ka puamangsak ding hi,” a ci hi. g
Copyright information for
ZomZIV